99/21 Zirkularra 2021eko abuztuaren 23a

Bazkide agurgarria:

 

  1. Gaurko BAOk “Bilbao Bizkaia Turismo-Bonuak” deialdia argitaratzen du (https://www.bizkaia.eus/lehendakaritza/Bao_bob/2021/08/23/II-3278_eus.pdf?hash=9d44a32ad21ae673c0a92938df20f6e7), eta bertan parte hartu ahal izango du “turismo-sektorearen barruan enpresa-jarduera duen pertsona fisiko edo juridiko oro, baldin eta Bizkaiko Lurralde Historikoan establezimendu ireki bat badu eta programaren oinarrietan ezarritako baldintzak betetzen baditu“.

 

Programak hiru bonu-mota aurreikusten ditu, erosten dituzten bezeroek erabili beharrekoak (ikus epigrafe posibleak erantsitako oinarrien 1. eta 2. eranskinetan):

  • Mota Ostatuetarako turismo-bonuak: 80,00 euro.
  • Mota Turismo-intereseko jardueretarako turismo-bonua: 50,00 euro.
  • Mota Bilbao-Bizkaian kontsumorako turismo-produktuak merkaturatzeko agentzia hartzaileetarako turismo-bonua: 200,00 euro.

 

Bonuak herritarrek eros ditzaten eskuragarri jartzen direnetik eta 2021eko abenduaren 31ra arte edo agortu arte egongo da indarrean programa.

Bestalde, gastua 2022ko martxoaren 31an egin beharko da gehienez, eta ez da diruz lagunduko egun horretatik aurrera egindako erosketak.

Atxikitzeko eskaerak aurkezteko epea irekita egongo da 2021eko abenduaren 31ra arte, atxikitzeko interesa duten establezimendu eta enpresentzat”.

 

Kanpainan parte hartzeko, atxikitzeko eskaera egin beharko du entitate edo establezimenduak. Eskaerak, inprimaki elektronikoaren ereduarekin bat etorriz, Bilbao Ekintzak programarako garatu duen plataforma elektroniko honen bitartez aurkeztu ahal izango dira: www.bonoturismobilbaobizkaia.eus”. Eskabidearekin batera, honako hauek erantsiko dira:

  • Oinarrien I. eranskinean zerrendatutako EJZren batean alta ematea edo Euskadiko Turismo Enpresen eta Jardueren Erregistroa (REATE), oinarri hauen II. eranskinean jasotako epigrafeetan.
  • Kontu korronte baten titulartasuna egiaztatzen duen agiria.
  • Establezimenduaren irudia.
Scroll to Top